Aboitiz Football Cup mobalik sa sugbo alang sa season 24

CEBU, Philippines — Human sa pito ka tuig nga nawala sa eksena dinhing dapita, ang Aboitiz Football Cup (AFC) mobalik sa Sugbo alang sa mas dako ug mas nindot nga ika-24 niining season nga gikatakdang mosikad karong Septiyembre 14.

Ang maayong balita hiniusang gipahibawo nilang Aboitiz Foundation President Ginggay Hontiveros-Malvar, Aboitiz  Capital Head of Communications, Marketing and Branding Arline Adeva, Jorenz Tañada of Coca-Cola Beverages Philippines, and Central Visayas Football Association (CVFA) President Engr. Rodney Orale atol sa pormal nga paglusad sa maong kalihukan kagahapon didto sa Zubuchon-Pueblo Verde sa dakbayan sa Lapu-Lapu.

“We are excited to bring the Aboitiz Football Cup back to Cebu and expand it across the country, allowing us to reach more young athletes and communities," matud pa ni Hontiveros-Malvar, nga mao sab ang Chief Reputation and Sustainability Officer sa Aboitiz Equity Ventures.

"We really feel it is high time to bring it back to its original home. It's really been a longtime desire of the organization," dugang pa niya.

Mga binyu nga gikonsidera alang sa torneyo mao ang Dynamic Herb-Borromeo Sports Complex, Sacred Heart School-Ateneo de Cebu (SHS-AdC), Don Bosco Technical College (DBTC)-Cebu, University of San Carlos (USC), ug Cebu City Sports Center.

Ang mga duwa ipahigayon matag weekends dayon na ngadto sa closing ceremony sa Pebrero 2025.

Duna say mahitabong kompetisyon didto sa Luzon ug Mindanao partikular na sa Tarlac, Batangas, ug Davao.

Ang top 2 teams ning mga rehiyon mahatagan og oportunidad nga makasalmot sa espesyal nga exhibition games dinhi sa Sugbo nga maoy motak-op sa season.

“The Aboitiz Football Cup Season 24 returns to Central Visayas, reigniting the passion for the beautiful game and bringing the region together again,” dason pa ni Orale dayong butyag nga ang AFC Season 24 naglangkob og 14 ka mga kategoriya gikan sa Players 6 hangtud sa 45-above age group.