Fajardo nagmangtas dayon sa Beermen

CEBU, Philippines — Ang Sugbuanong higante nga si June Mar Fajardo mihimo dayon og kasikas sa una niyang duha sukad misakmit sa ikawalo niyang MVP award.

Ug uban sa tabang sa makapakurat nga four-point shot gikan ni CJ Perez sud sa pinal nga usa ka minuto sa kulbahinam nga aksiyon, ang San Miguel Beermen misikad sa ilang kampanya sa PBA Season 49 Philippine Cup nga malamposon.

Si Perez milansang og 4-pointer sa katapusang 56 segundos aron tabangan ang Beermen pag-eskapo ngadto sa 111-107 nga kadaogan batok sa Phoenix Super LPG Fuel Masters sa ikaupat nga adlaw sa kumbati sa PBA Governors' Cup niadtong Miyerkules sa gabii didto sa Smart Araneta Coliseum on Wednesday.

Tulo ka adlaw sukad sa labing uwahi niyang koronasyon isip MVP, ang garbo sa lungsod sa Pinamungajan nga si Fajardo nagmangtas og maayo aron pagkabkab og 37 puntos nga iyang gipalamanan og 24 puntos sa makalisang nga double-double.

Dako sab hinoon og naambag si Perez nga mihipos og 21 puntos. Ang import sa Beermen nga si Jordan Adams mikuha sab og atensiyon bitbit ang 24 puntos ug siyam ka rebounds sa iyang PBA debut.