Ans sports 3x3 basketball mas dako, mas nindot nga Season 2 kasado na
CEBU, Philippines — Andam na ang tanan alang sa mas dace ug mas nindot nga Season 2 sa Allied Network Solutions (ANS) Sports 3x3 Basketball Tourn ament nga gikatakda karong Septiembre 7-8 didto sa Sisters of Mary School-Boystown sa Barangay Tungkop, Minglanilla.
Ning higayona, dunay mga langyaw ug out-of-teams teams nga mopakita'g aksiyon sa torneyo nga gikopresenta sa Twin-Bee Print Ads.
Mga koponan nga manulong dinhi sa Sugbo nagagikan sa New York, Chicago, Kansas, New Jersey, Missouri, ug Texas sa Amerika ug usa gikan sa Australia.
Samtang ang mga out-of-towners gikan sa Manila, Palawan, Samar, Bohol, Ormoc, ug Misamis Occidental.
"We're thrilled to see the overwhelming response from teams across different age groups and the participation of international teams this season," matud pa ni ANS General Manager Aries Gil Prieto atol sa pormal nga paglusad sa tinuig nilang kalihukan didto sa buhatan sa Twin-Bee sa One Mango Avenue ning bag-ohay pa lamang.
“It's more than just a tournament. It's a celebration of basketball and the unity it brings to players from different backgrounds and regions," dugang pa ni Prieto.
Gikan sa duha ka mga kategoriya sa una nilang edisyon - ang boys ug girls 18 Under, upat na ka dibisyon ang kumbatihan karon tungod sa pagdugang sa boys 14 ug 16, ug open.
Gikansela na hinoon ang girls class tungod sa kakulang sa mga partisipante.
Sa kasamtangan, kumpleto na ang 40 ka teams sa boys 14 age group.
Katloan na ka teams ang nakapalista sa boys 18, 38 sa boys 16, ug 11 sa open.
Kadtong mga interesado moapil gihatagan og kutob lamang karong Agosto 22 aron magparehistro. Ang entry fee nagkantidad og P4,500 apil na niini ang usa ka set sa uniporme alang sa mga players. Alang sa dugang impormasyon, mahimong mobisita sa ANSsportsPH Facebook page.
Uban ang The Freeman, igsoong mantalaan sa isip media partner, ang ANS 3x3 Basketball gipaluyohan sab sa Sirius Star Philippines, SMS-Boystown ug sa ilang alumni association, Tampico by Ceed Marketing, Pizza Hut, Pocari Sweat, Pepsi, ug Fitbar.-
- Latest
