CECABA Season 17: Batch 1988 kampiyon sa Division A
CEBU, Philippines — Ang KNM & Toxic Wheels Batch 1988 mi-sweep sa Pilipinas Shell Batch 1978/84/89 luyo sa 86-58 nga demolisyon sa Game 2 sa ilang best-of-three finals aron sakmiton ang Division A title sa Cebu Eastern College Alumni Basketball Association (CECABA) 17th Dr. Chen Lieh Fu Memorial Cup niadtong Dominggo, Hunyo 23, didto sa Chiang-kai Shek Gym sa CEC.
Si team director Rey Kenneth Ng ang bida sa Batch 1988 bitbit ang 25 puntos, 14 niini iyang gibubo sa nag-unang duha ka kuwarter aron pagtuboy sa ilang koponan ngadto sa 34-23 nga bentaha sa halftime.
Ang Batch 1988 nakasustinir sa ilang kainit aron inaton ang ilang labaw ngadto sa 19 puntos, 53-34, human sa tulo ka kuwarter.
Si Erwin Yu mihimo dayon og kasikas pinaagi sa pagtagak og 11 sa iyang 20 puntos sa katapusang kuwarter aron tabangan ang
Batch 1988 pagsilyo sa 28 puntos nilang paglampaso sa ilang kontra.
Nagparamdam sab si Robert Lim sa Batch 1988 uban ang 11 puntos.
Ubos sa paggiya ni playing coach Charlie Ong, ang ubang mga sakop sa Batch 1988 mao sila si John Philip Po, Harry Villamor, Richard Yu, Ernest Tanting, Gregorio Aguilar, Robert Tiu, ug Melton Dy.
Si Chester Cokaliong, nga maoy nagtukod sa liga duha ka dekada na ang milabay, maoy nangu sa first runner-up uban ang 23 puntos. Si Jeff Go mitali og 18 puntos samtang si Ryan Alexis Mendez mihipos og 14 puntos sa pilderong kawsa.
- Latest
