Lady Pirates pinasabog ang Lady Bombers
MANILA, Philippines — Sumosyo sa tuktok ng team standings ang Lyceum of the Philippines matapos patahimikin ang Jose Rizal University, 25-13, 25-22, 25-17, sa NCAA Season 99 women’s volleyball tournament kahapon sa Filoil EcoOil Arena sa San Juan City.
Kinapitan ng Lady Pirates si Johna Dolorito sa kinanang 16 points para manatiling malinis ang kanilang 6-0 marka.
Sumosyo sa liderato ang Lyceum sa nagdedepensang St. Benilde.
Nag-ambag si Hiromi Osada ng 14 hits, habang tumikada si Joan Doguna ng 11 markers para sa Lady Pirates na lumapit sa pagwalis sa elimination.
“Actually, hindi kami tumitingin masyado sa schedule kasi gusto naming mag-focus lang sa isang game na susunod na lalaruin namin,” sabi ni coach Cromwel Garcia.
Nawala sa focus ang Lyceum sa third set matapos ang 7-0 abante sa Jose Rizal.
Nakarekober sila para kumpletuhin ang panalo sa Lady Bombers (1-5).
- Latest
