Game 1 kinuha ng Celtics, Thunder
BOSTON — Kumamada si Jaylen Brown ng 32 points para sa 120-95 pagrapido ng Celtics sa Cleveland Cavaliers sa Game One ng kanilang Eastern Conference semifinals duel.
Nagsalpak si Derrick White ng pitong 3-pointers at tumapos na may 25 markers para sa 1-0 lead ng Boston sa kanilang best-of-seven series ng Cleveland.
Tumapos si Jayson Tatum na may 18 points at 11 rebounds para sa Celtics na kumonekta ng 18 triples kumpara sa 11 ng Cavs na nakahugot kay Donovan Mitchell ng 33 points.
Si Mitchell ang ikaapat na player sa league history na umiskor ng 30 o higit pang puntos sa anim na sunod na playoff series openers bukod kina Michael Jordan, Kobe Bryant at Wilt Chamberlain.
Sa Oklahoma City, naglista si Shai Gilgeous-Alexander ng 29 points, 9 rebounds at 9 assists sa 117-95 demolisyon ng Thunder sa Dallas Mavericks sa Game One ng kanilang Western Conference semifinal series.
Nagposte si Gilgeous-Alexander ng 8-of-19 field goal shooting at 11-of-13 clip sa free throw line para sa 1-0 lead ng Oklahoma City sa kanilang best-of-seven series ng Dallas.
Humakot si Chet Holmgren ng 19 points, 7 rebounds at 3 blocks para sa Thunder.
- Latest
