Giannis makapalta og tulo ka duwa
CEBU, Philippines — Si Giannis Antetokounmpo dili makapakita'g aksiyon sa katapusang tulo ka duwa sa Milwaukee Bucks ning regular season sa NBA tungod sa injury.
Ang Greek star nagtakiang samtang gi-agak sa iyang mga kauban pagawas sa korte padung sa ilang locker room human nayayay sa ikatulong kuwarter atol sa ilang duwa batok sa Boston Celtics niadtong Miyerkules didto sa Fiserv Forum.
Ang 29-anyos nga kanhi MVP gipaubos sa MRI scan diin nakompirma nga nakahiagum gyud siya og angol sa iyang bagtak.
"He will miss the remaining three games of the regular season and receive daily treatment and evaluation," sigun pa sa Bucks sa usa a pamahayag.
Gitaho sa The Athletic nga wala hinooy nakitang kadaut sa Achilles tendon ni Antetokounmpo. Mao kini ang nakabangko kaniya sa miaging bulan.
"I think everyone probably feels the same way as I do right now. So we're just going to hope for the best," dason pa ni Milwaukee coach Doc Rivers.
Ang Bucks ikaduha karon sa Eastern Conference bitbit ang 48-31 rekord.
- Latest
