CWBL, CSAS naglantaw sa mas dako nga Season 6
CEBU, Philippines — Ang Cebu Women's Basketball League (CWBL) inabagan sa CSAS naglantaw ngadto sa unahan sa mas dako ug mas bongga nga Season 6 diin daghang mga teams gikan sa nagkadaiyang probinsiya ang mosalmot sa torneyo sa Enero sunod tuig.
“We ended the 5th season with a lot of hype, bigger prizes, and far better younger players bringing their A-game. And there is nowhere to go but up,” matud pa ni CWBL founder Arnel Salado.
“We have provided and will still continue to provide a stage for the local Cebuana basketball players to shine. As always, we are looking forward for the next one," dugang pa ni Ian Callet sa CSAS.
Ang CWBL magpasigarbuhon nga nakahulma og pipila ka notadong mga players nga nagduwa na karon sa mga dagkong liga sama nilang Aubrey Lapasaran (National University), Danica Jugalbot ug Aleigha Salado (La Salle), ug Niclen Manlimos (Adamson University).
Sa laing bahin, ang RJR Squad mibuntog sa Softbatch, 50-47, aron paglugwa nga kampiyon sa CWBL Season 5.
Sa sangka alang sa ikatulong dapit, ang Move Liloan mipukang sa Templars.
Si Fergie Ypilan sa RJR ang gipasidunggan nga Most Valuable Player, samtang ang iyang teammate nga si Maxim Magbanua milabi sa Sportsmanship Award.
Naapil sab sila si Mythical 5 uban nilang Angel Sidon sa Templars, Maih Archival sa Move Liloan ug Shaina Demape sa Softbatch. Si Trishma Arciaga sa Got Shot gibayaw nga All-Star MVP samtang si Fairlette Ceniza sa RJR ang Best Coach.
- Latest
