Francisco target ang Olympic berth
MANILA, Philippines — Swak si Pinoy skater Jericho “Kiko” Francisco sa second phase ng Olympic Qualification System (OQS) sa male’s park event.
Dahil dito ay lumakas ang pag-asa ni Francisco sa tiket para sa 2024 Olympic Games sa Paris, France sa Hulyo.
Nagmula si Francisco sa kampanya sa nakaraang World Skateboarding Tour sa Dubai, United Arab Emirates kung saan siya nagtala ng 57.68 points.
Bagama’t bigong makapasok sa quarterfinals ng torneo ay nakaipon naman ang Pinoy skater ng Olympic World Skateboarding Ranking (OWSR) 6,439 points sa pagtatapos ng first phase.
Kamakailan ay sumuntok ng Paris Olympic berths sina boxers Nesthy Peteci at Aira Villegas.
Nauna nang nagbulsa ng Olympic spot sina pole vaulter EJ Obiena, boxer Eumir Felix Marcial at gymnasts Caloy Yulo at Aleah Finnegan.
- Latest