4 bronze sa Pinoy pugs
MANILA, Philippines — Bigong makapasok sa finals si Tokyo Olympics qualifier Eumir Felix Marcial gayundin ang dalawang Pinoy pugs sa 2021 ASBC Elite Men’s and Women’s Boxing Championships na ginaganap sa Dubai, United Arab Emirates.
Nagtamo si Marcial ng unanimous decision loss kay Saidjamshid Jafarov ng Uzbekistan sa semifinals ng men’s middleweight (75 kg.) class.
Sa kabila ng kabiguan, nananatiling positibo ang pananaw ni Marcial sa magiging laban nito sa Tokyo Olympics sa Hulyo.
“I would like to express my apologies for not being able to bring home the gold medal. It may not be the result or outcome we expected but still I want to thank everyone who showed their unrelentless support for my fight,” ani Marcial.
Bigo rin sina Mark Lester Durens at Junmilardo Ogayre sa semis.
Yumuko si Durens kay Daniyal Sabit ng Kazakhstan sa men’s light flyweight (46-49kg.) habang natalo si Ogayre laban kay top seed Mirazizbek Mirzahalilov ng Uzbekistan sa men’s bantamweight (56 kg.).
Nauna nang yumuko si dating world champion Josie Gabuco sa semis laban kay Gulasal Sultonalieva ng Uzbekistan sa women’s light flyweight division (45-48 kg.).
Pare-parehong uuwi sina Marcial, Gabuco, Durens at Ogayre tangan ang tansong medalya.
- Latest
