Gordon gisugat og daog

CEBU, Philippines — Si Aaron Gordon miiskor og 13 puntos sa iyang unang duwa uban sa Denver Nuggets nga mibihag sa Atlanta Hawks, 126-102 sa nagpadayong duwa sa National Basketball Association kagahapon didto sa Ball Arena sa Denver, Colorado.

Ang Denver mikuha ni Gordon gikan sa Orlando Magic atol sa trade deadline.

Si Nikola Jokic mihipos og 16 puntos, 10 ka rebounds ug walo ka assists ug si Michael Porter Jr. mikolekta og 15 untos ug 10 ka rebounds sa Nuggets.

Gipangulohan ni Trae Young ang Hawks nga midagit og 21 puntos, apan nakahimo kini og pito ka turnovers ug adunay pito ka assists. Si Danilo Gallinari mikabkab og 14 puntos batok sa kanhi niya koponan.

Ang Nuggets labaw og 10 puntos sa  halftime, 65-55. Miburot pa ang labaw ngadto sa 20 puntos sa nahabiling 8:48 sa third period sa iskor nga 77-57. Nakitkitan sa Hawks ang labaw ngadto sa 13 puntos, apan padayong nanginhas og puntos aron bingaton ang labaw ngadto sa 97-79 paingon  sa fourth quarter. Ang Nuggets miposte sa ilang kinadak-ang labaw nga 105-80 sa nahabiling nuybe minutos sa duwa ug Hawks wala na makarekober pa.

Didto sa Charlotte, si Devin Booker mipabuhagay og 35 puntos, si Chris Paul mibagnos og 16 puntos sa Phoenix Suns nga mipakaging sa Charlotte Hornets, 101-97 pinaagi sa overtime.

Si Deandre Ayton mitampo og 14 puntos ug si Mikal Bridges miamot og 13 puntos, walo ka rebounds ug career-high unom ka steals ds Suns nga mipuwesto sa ikaduha sa Western Conference uban ang 31-14 win-loss record.     

Nangu si Hornets si Devonte Graham nga mikamada og 30 puntos ug Terry Rozier nga miratsada og 22 puntos ug milangkat og 10 ka rebounds. Si Miles Bridges miambit og 18 puntos, 12 ka rebounds, samtang si Gordon Hayward misansan og 15 puntos sa napildeng Hornets nga nagbitbit og 23-22 nga baraha aron mopahiluna sa ikalimang dapit sa Eastern Conference standing.

Didto sa Charlotte, si Devin Booker mipabuhagay og 35 puntos, si Chris Paul mibagnos og 16 puntos sa Phoenix Suns nga mipakaging sa Charlotte Hornets, 101-97 pinaagi sa overtime.

Si Deandre Ayton mitampo og 14 puntos ug si Mikal Bridges miamot og 13 puntos, walo ka rebounds ug career-high unom ka steals ds Suns nga mipuwesto sa ikaduha sa Western Conference uban ang 31-14 win-loss record.

Nangu si Hornets si Devonte Graham nga mikamada og 30 puntos ug Terry Rozier nga miratsada og 22 puntos ug milangkat og 10 ka rebounds. Si Miles Bridges miambit og 18 puntos, 12 ka rebounds, samtang si Gordon Hayward misansan og 15 puntos sa napildeng Hornets nga nagbitbit og 23-22 nga baraha aron mopahiluna sa ikalimang dapit sa Eastern Conference standing.