Marcial misaad mounong sa abap bisan ma-pro na
CEBU, Philippines — Si Eumir Felix Marcial nga kwalipikado na sa 2020 Tokyo Olympics nga mahitabo sunod tuig pa, misaad nga mounong uban sa Association of Boxing Alliances in the Philippines (ABAP) ug sa mga programa niini bisan og mag-pro na siya samtang nangamdan alang sa Olympics.
Sa dihang nahinabi sa programang Power and Play sa Radyo 5, si Marcial miingon nga mao kini ang iyang gipasalig ni ABAP president Ricky Vargas atol sa ilang video conference dili pa lamang dugay.
"Sabi ko po sa ating presidente na si sir Ricky Vargas, at sila sir Ed Picson, sa mga coaches, sabi ko kung sakaling papasok ako sa pro, gusto ko at pinapangako ko na until Olympics na sila yung makasama ko sa training at sila po yung magtuturo sa akin kung lalaban ako," matud pa ni Marcial.
"Main goal ko pa rin yung Olympics, eh. Yung preparation na ‘yun is for Olympics so sila ang gusto ko makasama," dugang pa niya.
Ang 24-anyos nga si Marcial nakadawat og mga tanyag aron siya mo-prospeyonal, butang nga iyang gikonsidera. Kini gumikan kay puwede pa man gihapon siyang mokumbati sa Olympics bisan og usa na siya ka pro boxer.
Subli nga giklaro ni Marcial nga ang nag-una niyang misyon mao ang pagtunol sa Pilipinas sa gihandum niining labing unang gold medal sa Olympics.
- Latest
