Saints o Scorpions?

MANILA, Philippines — Pag-aagawan ng Centro Escolar University at BRT Sumisip Basilan-St. Clare ang huling tiket sa finals sa paglarga ng 2019 PBA D-League Foundation Cup do-or-die semis ngayong hapon sa Ynares Sports Arena sa Pasig City.

Nakatakda ang bakbakan ng Scorpions at Saints sa alas-3 ng hapon kung saan ang mananalo ang haharap sa Marinerong Pilipino sa best-of-three championship series.

Naipuwersa ng CEU ang rubber match matapos payukuin ang St. Clare sa Game 2 noong Lunes sa bisa ng 83-68 desisyon.

“After the loss in Game One, I told them I want to see the heart we had last conference and that’s what we showed. We just gotta carry it again on Thursday,” ani CEU head coach Derrick Pumaren.