Lakers mipilde sa Thunder

CEBU, Philippines — Usa ka dakong upset ang naangkon nga kadaogan sa Los Angeles Lakers dihang  ilang gipahilom  ang Oklahoma City Thunder  sa overtime, 138-128  sa NBA kagahapon didto sa  Cheasapeak Arena sa Oklahoma City.

Gumikan kay wala pa gihapon moduwa ang ilang star nga si LeBron James nga  padayong mipahuway tungod sa injury.

Daghan ang nagtuo nga mapilde ang batan-ong Lakers ngadto sa Thunder,  apan  agresibo kaayo  sila si Kyle Kuzma ug Ivica Zubac  nga nagkumbinar og  58 puntos.  Si Kuzma miposa og 32 puntos, samtang si Zubac mipupo'g 26 puntos. Wala sab magpaalkanse ang point guard nga si Lonzo Ball nga mirehistro  og "double-double" sa iyang 18 puntos ug 10 ka assists.

Si Paul George  mihimo og 27 puntos, samtang si Russell Westbrook  miiskor og 26, apan dili kini igo aron ihatod ilang koponan sa kadaogan.

Sa ubang mga duwa, ang Philadephia 76ers milatos sa Indiana Pacers sa iskor nga 120-96, samtang gilat-an sa Denver Nuggets ang Chicago Bulls, 135-105. 

Ang  Washington Wizards nakaipsot batok  sa New York Knicks, 101-100. 

===

NBA nagplano og duwa sa Paris

Emmanuel B. Villaruel

CEBU, Philippines — Nagplano si  NBA Commissioner Adam Silver  nga mopahigayon og usa ka regular season game sa Paris, France sunod tuig.

Buot ni Silver nga patubuon pa ang NBA sa nagkadaiyang dapit sa kalibotan ug ang France maoy sunod nilang  lakang sa 2020.

Sa ikatulong sunod-sunod nga tuig, ang NBA mitagana og tagsa ka duwa sa London ug karon gusto nilang molabyog sa Paris.

Humot kaayo ang NBA sa France ug gani siyam sa mga bitoon karon sa liga nagagikan sa maong nasud.

Apil na niini si Rudy Gobert sa Utah Jazz, apan ang labing sikat mao si Tony Parker, ang kanhi superstar sa San Antonio Spurs nga anaa na karon sa Charlotte Hornets.