Thomas humingi ng paumanhin sa Cavs
DENVER -- Para makaiwas sa anumang isyu ay kaagad nagbigay ng apology si point guard Isaiah Thomas sa dati niyang koponang Cleveland Cavaliers.
Sa kanyang shoutout ay pinasalamatan niya ang tatlo niyang dating NBA teams habang hinamak naman ang Cavaliers sa isang live social media post.
Mabilis na nag-isyu ang All-Star playmaker ng isang apology para sa Cleveland.
“I apologize for my choice of words about Cleveland. I was on my live playing around. They don’t show you everything for a reason smh. Right after that I clarified what I said.... All love to everybody who had love for me in Cleveland,” sabi ni Thomas.
Sa kanyang unang live social media post ay sinabi ni Thomas na ‘all love’ sa Sacramento Kings, ang koponang humugot sa kanya sa second round ng 2011 NBA Draft, pati na sa Los Angeles Lakers at Boston Celtics habang tinawag naman niya ang Phoenix Suns na “cool”.
Ngunit inilarawan niya ang Cleveland na isang s#!T#oL3.
- Latest
