Philippine team pakyas pagsulod sa playoffs sa FIBA 3x3 World Cup

CEBU, Philippines — Pakyas ang Philippine Team pagsulod sa playoffs sa FIBA 3x3 World Cup human mapilde ngadto sa powerhouse nga Canada niadtong Lunes didto sa Philippine Arena.

Ang  Phl Team nga gibidahan sa PBA stars nga silang Christian Standhardinger, Stanley Pringle, Roger Pogoy ug Troy Rosario mitapos sa ilang kampanya uban ang 2-2 nga baraha.

Nidaog ang Phl sa Russia ug Brazil ug ang nakapilde kanila mao ang Mongolia sa ilang opening game niadtong Sabado.   Bisan pa niini, ang  opisyales sa Samahang Basketbol ng Pilipinas (SBP) kontento na sa naabot sa Phl kay sayod sila nga kulang ang preparasyon sa nasudnong koponan.

Moduwa sa playoffs mao ang three-time champion nga Serbia, Slovenia, Latvia, Ukraine, Poland, Netherlands, Canada ug Mongolia.