Painters nagpalakas; Aces pinigil ang Beermen

MANILA, Philippines – Hindi porke sibak na ang Meralco ay hindi na ito magbibigay ng magandang laban.

Kinailangan ng Rain or Shine Elasto Painters na bumangon mula sa 10-point deficit sa third quarter para talunin ang Bolts, 97-87, at palakasin ang kanilang pag-asa para sa isa sa dalawang outright semifinals seat sa 2015 PBA Philippine Cup kagabi sa Smart Araneta Coliseum.

Tumapos si Jeff Chan na may 24 points at 8 rebounds para itaas ang kartada ng Rain or Shine sa 8-2 sa ilalim ng 9-1 baraha ng nangunguna at nagdedepensang San Miguel, habang nalasap ng Meralco ang kanilang pang-10 kabiguan sa 11 laro.

“We had to bleed for this one. This is a big game for us to keep our chances alive for outright semis,” sabi ni coach Yeng Guiao sa kanyang Elasto Painters na inagaw ang 67-66 bentahe sa third period laban sa Bolts.

Para tuluyan nang angkinin ang isang outright semifinals ticket ay dapat talunin ng Rain or Shine ang NLEX sa Sabado.

“We have one more game on Saturday and that’s going to be like a playoff game for us” wika ni Guiao, nakahugot kay 6-foot-7 Raymond Almazan ng mga career-highs na 21 points at 17 rebounds, habang nagdagdag si Jericho Cruz ng 13 markers.

Pinangunahan naman ni Jared Dillinger ang Meralco sa kanyang 15 points kasunod ang 13 ni rookie guard Baser Amer, 12 ni Chris Newsome at 10 ni veteran playmaker Jimmy Alapag.

Samantala, pinigil ng Alaska ang hangad na pagdakma ng San Miguel sa unang semis seat matapos kunin ang 103-97 panalo sa ikalawang laro.

Rain or Shine 97 - Chan 24, Almazan 21, Cruz 13, Belga 9, Norwood 8, Quinahan 5, Ahanmisi 4, Ponferada 4, Teng 3, Ibanes 2, Matias 2, Trollano 2, Tiu 0.

Meralco 87 - Dillinger 15, Amer 13, Newsome 12, Alapag 10, Nabong 9, Hodge 8, Hugnatan 8, Buenafe 7, Al-Hussaini 5, David 0, Faundo 0.

Quarterscores: 23-22; 42-49; 67-66; 97-87.

Alaska 103 - Thoss 18, Abueva 17, Banchero 17, Manuel 12, Baguio 10, Jazul 9, Menk 6, Casio 5, Baclao 2, Dela Cruz 2, Dela Rosa 2, Exciminiano 2, Eman 1, Hontiveros 0.

San Miguel 97 - Fajardo 43, Cabagnot 19, Santos 10, Lutz 8, Tubid 6, Espinas 5, Heruela 2, Omolon 2, Ross 2, Arana 0, De Ocampo 0, Lassiter 0, Reyes 0.

Quarterscores: 16-19, 40-37, 74-64, 103-97.