Elora supermarket anniversary run gitakda sa December 6

CEBU, Philippines - Ang Elora Supermarket mopahigayon sa ilang Anniversary Run karong Disyembre 6 didto sa Marigondon, Lapu-Lapu City.

Adunay tulo ka kategoriya nga mahimong daganan sa mga runners  sama sa 10K,  6K ug 3K.

Gawas sa kompetisyon, ang mga runners may kahigayonan usab nga makatabang sa Marigondon National High School nga maoy beneficiary sa maong  lumba.

Ang matigum nga pundo gamiton alang sa pagpalambo sa drainage ug water system sa tunghaan lakip na ang pagpasemento sa mga agianan sa mga tinun-an.

Ang mga organizers makalaum og mas dakung lumba itandi sa miaging tuig diin malingaw ang mga fun runners tungod kay usa kini ka color run.

Ganting salapi ug medalya ang madawat sa mga top finishers sa matag kategoriya. 

Ang registration fee nagkantidad og P300 sa 3K, P400 sa 6K ug P500 sa 10K.

Mahimong magparehistro didto sa Elora Supermarket, Dan Enrico Corporation, Infinitea sa City Time Square, The Athlete’s Foot sa Ayala Center-Cebu, Planet Sports sa Ayala ug The Outlets sa Pueblo Verde, Sports Warehouse sa Cebu IT Park ug online sa Libre247.com. (BANAT PALARO)