Sunsport modawat pa gihapon mga tinun-an alang sa ilang senemanang training camp
CEBU, Philippines – Modawat pa gihapon og mga tinun-an ang mga organizers alang sa senemanang training program sa Sunsport Basketball Camp nga pagahimuon diha sa Sacred Heart Center Sports Club sa dalan Jakosalem, ning siyudad.
Ang lima ka semanang cage clinic himuon matag adlaw’ng Sabado nga mokawat og duha ka oras matag session.
Matud pa ni camp director Giovannie ‘Jojo’ Romarate nga ang mga partisipante tudloan og fundamental ug technical aspect sa sports.
“We will impart to our students the basics of basketball such as proper shooting, dribbling, passing, footwork and other related drills," matud pa ni Romarate, ang head coach sa Salazar Colleges of Science and Institute of Technology (SCSIT) Skyblazers.
Sa registration fee nga P1,000, ang mga partisipante makadawat na og libreng upper jersey ug Sunsport basketball 2014 edition.
Alang sa dugang mga kasayoran, mahimong mokontak ni Romarate sa 0933-2677713/0921-2338305 o sa opisina sa Sunsport sa mga numero 345-1015, 0917-3205769 o di ba 0922-8377712. (BANAT NEWS)
- Latest
