Sa dili pa matapos ang tuig : Mama, Canoy, Domingo mohirit pa og away
CEBU, Philippines — Ang kanhi world title challenger nga si Jayson Mama (20-2, 10KOs) mokatkat og balik sa ring human nakatilaw og kontrobersiyal nga kapildihan pinaagi sa split decision didto sa Puerto Rico duha ka bulan ang milabay.
Ang nabantog nga "The Smasher" gikan sa General Santos City makigharong ni Michael "The Chieftain" Bravo (14-5, 7KOs) sa usa ka 10 ka hugna nga sangka ubos sa flyweight division karong Disiembre 27 didto sa Kalamansig, Sultan Kudarat.
Dugang niini, si Joey "The Babyface" Canoy (22-5, 14KOs) mosakbang batok ni Ariston Aton (9-12-1, 5KOs), samtang si Esneth "Hard Hitter" Domingo (20-2, 12KOs) sa ZIP/Sanman makigbinukbukay batok sa beteranong si Reymark Taday (11-23-1, 6KOs). Magbugno sab sila si RV Deniega vs Jelo Bacalso, Gabriel Tapales vs Mike Kinaadman, Ivan Trasmonte vs Orlando Lacar Jr., ug Ian Muyso vs Mark Clyde Felicida.
"We are here to close the year strong. Our world-ranked fighters Jayson Mama, Joey Canoy, Rv Deniega, and Esneth Domingo will showcase their skills in front of the crowd in Kalamansig. Thank you to everyone who made this happen," matud pa ni Sanman Boxing CEO Jim Claude "JC" Manangquil.
- Latest
