Wala nay NBA players sa FIBA? Team U.S. A. mosugot kaha?

Pipila pa lang ka adlaw human masakmit sa Team U.S.A. ang gold medal sa FIBA Basketball Cupa Mondial didto sa Sevilla, Spain pinaagi sa pagdugmok sa Serbia og 37 puntos nga kadaogan, 129-92, mitiyabaw dayon ang ubang mga teams nga nag-awhag sa FIBA nga dili na tugotan ang Estados Unidos nga mopadala og mga NBA players alang sa World Cup kay kung naa kining mga NBA superstars, wala na gyu'd purohan ang laing nasud nga makatilaw pa og kampiyonato.

Maanindot ang tumong sa maong hangyo tungod kay naghatag kini'g balanseng kumpetisyon  apan kung wala ako masayop, ang Team USA di mosugot niini ug niadtong wala pa mahibalo hangtod karon, ang kapildehan sa Team U.S.A. sa Russia niadtong 1988 Seoul Olympics, maoy hinungdan nganong nahimugso ang gitawag og USA Dream Team niadtong 1992, ang giila nga labing lig-on nga team sa planeta.

Niadtong wala masayod,  ako kamong lakbitan sa nahimong lantugi kung unsa man gyuy "objective" o tumong/katuyoan aning FIBA o Olympics.

Ang mga sakop sa FIBA o sa International Olympic Committee, mihimo'g pamahayag kaniadto nga matag FIBA o Olympics, ang mga nasud nga gustong musalmot gitugotan nga mopadala sa labing maayo nilang atleta.

Mitubag ang Estados Unidos nga angayan ipadala ang mga NBA stars kay sila maoy labing maayong laki sa basketball ug dili ang ilang mga collegiate o NCAA stars.

Niadtong 1988, ang Team USA daan nang gilangkuban sa mga NBA players  ug pipila ka players nga padulong pa lang moduwa sa NBA. Mao kadto'y kataposang Olympics sa basketball nga wala na tugoti pagduwa ang mga players sa NBA.

Wala ako kasabot nganong ilang pugngan ang nga NBA players nga moduwa sa FIBA o sa Olympics kay dili kana sayop sa mga NBA players nganong maayo sila moduwa.

Canadian ang basketball inventor/founder nga si Dr. James Naismith apan nasilo ba gud ang mga Canadian nga dili sila maoy labing hawud sa basketball sa tibuok kalibotan?

Nagpakita nga mas maayong laki ang mga Kano nga NBA stars hinungdan nga ilang gidominar ang world basketball.

Dinhi bitaw sa Pilipinas, ato man gitan-aw nga ang mga PBA stars maoy labing maayong laki moduwa og basketball busa sila maoy atong gipadala didto sa Spain.

Sa PBA daghan sab kaayong maayong laking moduwa apan wala sila mapili ni coach Reyes kay dili sab sayon magporma og team aron morepresentar sa nasud.

Ang atong Gilas Pilipinas tua karon manimpad sa Asian Games sa Incheon, South Korea.

MISCELLANEOUS. Congrats to my Kapatid King Perez of TV5/Radyo Singko and our bet Ms. Jean Marvette Demecillo of The Freeman   for winning the Mr.& Ms. Press Freedom. It seemed a double victory for me for being a sports reporter of TV5 and also a sportswriter of The Freeman/Banat News. I was even teasing Jean while having her cat walk rehearsal last Friday in the office and told her not to wag her tongue to Banat Hugyaw editor Ryan Mark P. Borinaga so that her probable winning of the title won't be boycotted by Ryan. And when all of us believed that Jean will come out the hand-down winner, I told Renbor, Edwin, Brenda,Sanden and Romeo "unsa man ning atu, trial by publicity?" Anyway congrats Jean, we're proud of you so do your alma mater the University of San Jose Recoletos.