Mga laro sa NCAA kanselado na naman kahit wala na si ‘Mario’
Laro Bukas
(The Arena, San Juan City)
12 n.n. San Beda vs Perpetual (jrs/srs)
4 p.m. Mapua vs EAC (srs/jrs)
MANILA, Philippines - Muling nagdesisyon ang NCAA Management Committee (ManCom) na kanselahin na rin ang dalawang laro sa 90th NCAA basketball tournament kahit bumuti na ang panahon kahapon.
Mas pinagtuunan ng ManCom sa pangunguna ni chairman Paul Supan ng host Jose Rizal University ang katotohanan na ang karamihan ang bumabangon pa sa epekto ng walang tigil na pag-ulan noong Biyernes sa bagyong ‘Mario’.
Kahit ang laro sa chess na dapat ay isinagawa kahapon at kinansela na rin.
Magtutuos dapat ang Arellano Chiefs at Lyceum Pirates sa juniors at seniors divisions.
Ito na ang ikatlong pagkakataon sa linggong ito na naisantabi ang larong nakatakda dahil sa bagyo.
Ang una ay nangyari noong Lunes dahil sa pagdating ng bagyong ‘Luis’. (ATan)
- Latest
