Pages Abante semifinals SA 19TH JRG Gullas Tennis Cup
CEBU, Philippines - Wala sa maayong kondisyon si tennis princess Jana Pages sa iyang duwa kagahapon, apan nakahimo gihapon siya sa pag-abante sa semifinal round sa girls’ 18 division sa 19th JRG Gullas Tennis Cup didto sa Alta Vista Golf and Country Club sa Pardo, Cebu City.
Ang defending champion nga si Pages maoy labing unang female player nga miabante sa semifinal round human niya gipilde si Maria Andre Danica Toledo, 6-0, 6-0.
Si Pages may purohan untang moiskor og laing double championships karong tuiga, apan wala na siya moahat pagduwa sa girls’ 16 tungod sa hilanat.
Sa iyang bahin, si Zethley Mae Alferez misud sa quarterfinal sa girls’ 14 human modaog ni Edhel Parangan, 7-5, 6-3.
Didto sa Citigreen sa Punta Princesa, nakasud sab sa semis sila si Arthur Craig Pantino, Christopher Encarnacion ug Clyde Bienes sa boy’s 18 class. (BANAT NEWS)
- Latest
