Matapos sa basketball, Pacquiao susubok sa MMA
MANILA, Philippines - Matapos sa basketball, sa mixed martial arts naman pumasok si Filipino world eight-division champion Manny Pacquiao.
Bumili si Pacquiao ng shares sa Asian-based One Fighting Championship, ayon kay CEO Victor Cui.
“I’m pretty pumped,” sabi ni Cui. “There are a ton of reasons why I’m pretty excited about this. Obviously, Manny Pacquiao is a global sports icon and having him as a part of our organization as a shareholder and promoting One FC and promoting the sport is huge for the sport in the region. It promotes awareness and growth.”
Nauna nang hinirang si Pacquiao bilang playing coach ng Kia Motors kasunod ang pagsusumite niya ng aplikasyon para sa darating na PBA Rookie Draft sa Agosto 24.
Ang 35-anyos na Sarangani Conressman ay nagmamay-ari ng ilang gyms na nag-aalok ng mga MMA classes at MMA training areas.
Hindi ibinunyag ni Cui ang halaga ng shares na binili ni Pacquiao sa One FC.
Si Pacquiao, ang WBO welterweight champion, ay gumagamit ng eight-ounce gloves sa kanyang mga laban, habang four-ounces gloves naman ang ginagamit sa MMA.
“You could see him calculating the difference from the boxing gloves to the MMA gloves,” ani Cui sa pagdampot ni Pacquiao ng MMA gloves.
“He said to me, ‘Man, someone could get hurt with the power of my punches if I could wear these.’ “
Sumabak na rin kamakailan sa MMA si dating world women bantamweigh ttitlist Ana ‘The Hurricane’ Julaton.
- Latest
