Presyo ng tiket sa Gilas vs NBA stars inilabas na

MANILA, Philippines –  Sa halagang P750 ay maaari ka nang makanood ng exhibition game ng national men's basketball at ilang NBA players sa Smart Araneta Coliseum sa Hulyo 22 at 23.

Sa general admission ang puwesto ng P750, habang P23,300 naman ang pinakamalapit na upuan na Patron A para sa PLDTHome: The Last Home Stand All-Star Charity Event.

Magsisilbing paghahanda rin ito ng Gilas Pilipinas bago sila sumabak sa FIBA world cup sa Spain ngayong Agosto.

Darating sa bansa ang NBA stars na sina LA Clippers' Blake Griffin, Brooklyn Nets' Paul Pierce, Portland Trailblazers' Damian Lillard at Toronto Raptors' DeMar DeRozan.

Mapupunta ang kikitain ng dalawang araw na event sa Philippine Disaster Relief Foundation (PDRF).

Bukod sa paghaharap ng Gilas at NBA stars, magkakaroon dn ng slam-dunk exhibition, 3-point shootout, at Lucas Skills Camp and the Air Elite Dunkers.

"This is the best send-off game we can give to our Filipino fans who have been fervently following and cheering for Gilas Pilipinas. I hope the love and support for the team continues as we enter the biggest battle of our lives in Spain," wik ni Gilas coach Chot Reyes.