Amit, Cebu City Dancesports mikabkab bulawan sa PNG
CEBU, Philippines - Sugbuanang cue master nga si Rubilen Amit ug ang Team Cebu City-Dancesport mipakita og bulawanong pasundayag atol sa 2014 PSC-POC Philippine National Games (PNG) didto sa Manila.
Si Amit, ang world champion ug "Athlete of the Year" awardee sa Sportswriters Association of Cebu (SAC) mipilde ni Iris Rañola aron masakmit ang bulawan sa women's 9-ball event. Midaog sab siya og silver sa women's 10-ball competition nga nadaog ni Cheska Centeno.
Sa dancesports, ang pambato sa Sugbu mirampa og maayo aron mohakot og pito ka golds, duha matag usa gikan sa tandem nilang Andrew Ysla ug Kathlene Joy Diluvio, Zijane Troy ug Zijane Tracy Villarta ug John Paul Mocorro ug Therese Andre Quilaton.
Sila si Bert Kevin Diluvio ug Jam Flores maoy mitunol sa ikapitong bulawan sa Sugbu.
Mihakot og silver alang sa Sugbu mao sila si Mae Pabuaya ug Romeo Jay Cialbo, Jeffrey Benarao ug Mary Mae Canillo. Sila si Wilbert Aunzo ug Pearl Marie Caneda midaog og bronze alang sa Cebu dancesport.
- Latest
