Rain or shine pabiling buhi
CEBU, Philippines - Sa paningkamot ni Jeff Chan, nalugwayan pa ang kahigayunan sa Rain or Shine Elasto Painters nga mokampiyon human nalikayan nila ang hingpit nga pagkapukan sa ilang Finals series batok sa San Miguel Elasto Painters.
Si Chan miposa og 23 sa iyang 24 puntos sa second half aron ituboy ang Rain or Shine sa 81-74 nga kadaugan sa krusyal nga Game 5 sa ilang ‘best-of-seven’ series kagabii didto sa Smart Araneta Coliseum.
Tungod kay nameligro nga hingpit nga makuha sa San Mig ang korona, ang Rain or Shine naningkamot nga mudaog aron makasikit sa serye, 3-2.
Ang Rain or Shine may kahigayunan nga mutabla sa serye, 3-3 sa Game 6 karong Miyerkules didto gihapon sa Smart Araneta Coliseum.
“We just grind out a win, we’re still behind in the series, though one thing we can promise the fans is we will fight it out to the end,†matud pa ni Rain or Shine coach Yeng Guiao sa Spin.ph.
Sikit ang duwa sud sa tulo ka kuwarter, apan kalit lang mibuto ang opensa ni Chan kinsa maoy naghatag og 69-60 nga labaw sa Painters sa katapusang syete minutos.
Migukod ang San Mig ug nanaug nila ang labaw sa dos puntos, 72-74, apan wala kini musalir tungod kay daling nakarekober ang Painters nga milahus na ngadto sa kadaugan.
Mitampo og 10 puntos si Beau Belga, samtang sila si Chris Tiu ug Paul Lee miamot og nuybe ug otso puntos matag usa.
Ang San Mig gipangulohan nila ni Mark Pingris ug James Yap nga miiskor og 18 puntos matag usa.
Rain or Shine (81) - Chan 24, Belga 10, Tiu 9, Lee 8, Norwood 7, Quinahan 6, Rodriguez 5, Arana 4, Almazan 4, Cruz 2, Ibanes 2.
San Mig (74) - Pingris 18, Yap 18, Mallari 11, Barroca 10, Devance 7, Simon 4, Sangalang 3, De Ocampo 2, Reavis 1, Melton 0
- Latest
