Park 'N Go Bakeshop, Water Market miabante semis sa Power Forty Cup

CEBU, Philippines - Gipilde sa Park 'N Go Bakeshop ug Water Market ang ilang tagsa-tagsang karibal aron moabante sa semifinals sa Power Forty President's Cup basketball tournament niadtong Martes didto sa Inayawan Sports Complex.

 Gidemolis sa Park 'N Go ang Labarca Trading sa iskor nga 139-106, samtang ang Water Market nakalingkawas sa Akira, 74-70.

 Unom ka players sa Park ‘N Go ang miiskor og double figures nga gipangulohan sa abtik nga pointguard Michael Arias, kinsa mibahog og 20 puntos, gisundan nilang Al Misa ug Dadoy  Ramil nga parehong adunay 18 puntos,

samtang si Jingjing Rama miamot og 15 puntos.

 Si Tony Ungria miiskor og 20 puntos, samtang si Macmac Navares mihakot og 15 puntos alang sa Labarca Trading.

 Sa laing bahin, si Michael Veloso mikandos  og 20 puntos aron pangulohan ang Water Market, gisundan

nilang Adot Tabar ug Carding Vernaiz nga nagkumboya'g 25 puntos.

 Silang Jug Matulin ug Alan dela Rama parehong miiskor og 12 puntos aron pangulohan ang pilderong Akira,

samtang silang Celso Cabaluna, Titing Moniva ug Egay Echavez miabuno og 10 puntos matag usa.

 Ang semifinals sugdan karong Martes diin ang Park 'N Go makigsangka sa AMBL ug ang Water Market

makigbatok sa HLY-Friends.

PUNTOS MATAG USA

Unang duwa:

 Park ‘N Go (139) -  Arias 20, Ramil 18, Misa 18, J. Rama 15, Lisondra 13, Dejacto 10, Abatayo 8,

Nacional 4, Mosqueda 4

 Labarca Trading (106) - Ungria 20, Navares 15, Bughao 12, Ebrado 9, Abellana 9, Cañete 8, Almojallas 5,

Fuentes 4, Yu 2

Ikaduhang duwa:

 Water Market (74) - Veloso 20, Tabar 14, Vernaiz 11, Ozon 8, Caumeran 7, Eleguin 6, Navares 4, Dacalos

2

 Akira (70) - Matulin 12, Dela Rama 12, Moniva 10, Cabaluna 10, Echavez 10, Labalan 7, Magallon 6,

Sabejon 3  (BANAT PALARO)