Taga-Cebu mihimo'g impresyon sa Thailand

CEBU, Philippines -  Mihimo'g impresyon ang mga Sugbuanong magduduwa nga nirepresentar sa Pilipinas sa Southeast Asian

Beach  Volleyball Championships didto sa Ratchaburi, Thailand diin nalandig  sila sa ikalimang dapit sa overall.
  Ang gipakitang katakus  nilang Jonrey Sasing ug Edward Ybañez sa men's division ug sa pikas bahin Jusabelle

Brillo ug Apple  Saraum igo na kaayo alang kanila aron makakuha'g suporta gikan ni Philippine Sports Commission (PSC)

consultant Eric Lecain, kinsa mao usab ang beach volley director sa Philippine Volleyball Federation, ang regular member

sa nasudnong koponan.
 "I thought they handled themselves very well considering the time they had to prepare and the fact that it was

their first international tournament together,” matud pang Lecain, kinsa atua karon sa kaulohan aron tukion ang umaabot

nga ugma sa koponan uban sa PSC.
 Kahinumduman, giwala sa PSC ang miaging beach volley team sa nasud human sila mapilde sa mga

Sugbuanon  sa PSC-POC Philippine National Games sa miaging tuig.
 Karong tuiga, ang mga Sugbuanon naghari na sab sa PNG nga naghatag kanila pasaporte pagduwa sa

Thailand.
 Nangandam na karon ang mga Sugbuanon alang sa 2013 Asian Volleyball Confederation Beach Tour, ang

China Xianning Open sa Septiyembre 26-29. (BANAT NEWS)