Handa na ang 2013 Batang Pinoy

MANILA, Philippines - Handang-handa na ang lahat para sa pagsulong ng 2013 Batang Pinoy.

Magkakaroon muli ng tat­long regional quali­fying legs para sa Luzon, Visa­yas at Mindanao at ang mga mananalo ay aabante sa National Finals na gagawin sa Zamboanga City sa Nobyembre 19-23.

Dadagsa ang partisipasyon ng mga Local Go­vernment Units matapos magpalabas ng direktiba si Department of Interior and Local Government (DILG) Secretary Mar Roxas ng pagsuporta sa Batang Pinoy para sa mga atletang may edad 15-anyos.

Ang mga regular sports na lalaruin ay ang arnis, ath­letics, badminton, billiards and snooker, boxing, chess, dancesport, futsal, gym­nastics (cheerdance), judo, karatedo, lawn tennis, pencak silat, sepak takraw, soft tennis, softball, swimming, taekwondo, table ten­nis, wrestling, weightlif­ting at volleyball.

Idaragdag sa Luzon leg ang archery, baseball, bowling, cycling, sailing, shooting at wushu.

Ang Mindanao leg ay na­katakda sa Agosto 27-31 sa Tagum City, Davao ka­sunod ang Visayas Leg sa Maasin City, Southern Leyte sa Setyembre 24-28 at ang Luzon Leg sa Iba, Zam­bales sa Oktubre 15-19.