La Salle-GH hari sa Seaoil NBTC

MANILA, Philippines - Umiskor si Marc Lim ng 14 points, habang may 13 si Vehnjamin Maximo pa­ra tulungan ang La Salle-Greenhills sa 86-45 paggupo sa Lourdes School of Mandaluyong at angkinin ang korona ng Seaoil NBTC 12U National Championship na idinaos sa Jacinto Tiu Competition Court sa Xavier School.

Nag-ambag si Miguel Santos ng 12 points at may 10 si Manuel Lim para sa  La Salle-GH.

Ang tatluhan naman ni­na Sebastian Locsin, Julian Jugo at Dominic Panlilio ay may tig-8 points.

Binanderahan ni Vincent Raguero ang Lourdes School mula sa kanyang 16 points kasunod ang 10 ni Diego Ignacio.

Hinirang na Finals MVP si Santos, habang Best Defensive Player si Raguero at season MVP si Andrei Ca­riño ng Escuela de Sophia ng Caloocan.

Ang apat na National Ca­pital Region semifina­lists ay maglalaro sa Seaoil NBTC 12U National Championship sa Mayo 16-18 sa Philsports Arena.

Makakasama nila ang Sa­cred Heart-Ateneo de Ce­bu, Xavier University-Aten­eo de Cagayan, Maryhill College of Lucena Cityu at ang Divine World Acade­my of Dagupan City.