Anasta pinagbakasyon na si Tesorio

MANILA, Philippines - Tinalo ni second seed Vicente Anasta si unranked Kristian Tesorio patungo sa second round ng third Cainta-Palawan Pawnshop Open Tennis Championships sa Brookside Hills Tennis Club sa Cainta, Rizal noong Miyerkules.

Binigo ni Anasta si Tesorio sa opening frame bago natalo sa second set.

Ngunit bumangon ang veteran campaigner para makapasok sa Last 16 kung saan niya makakalaban si Joseph Arcilla, pinayukod si Kim Saraza, 6-1, 3-0 (ret.), sa week-long event na inihahandog ng Palawan Pawnshop at inorganisa ng Brookside Hills Tennis Club.

Giniba naman ng top-seeded na si Johnny Arcilla si Rollie Anasta, 6-1, 6-1, para makatapat si Fritz Verdad, iginupo naman si Stephen Pilares, 6-1, 6-2.