San Miguel rumesbak sa Dragons
MANILA, Philippines - Naipakita rin ni Matt RoÂgers ang kanyang kalidad habang ang birthday boy na si Asi Taulava ang kumuha sa puwestong iniwan ni Gabe Freeman at ang San Miguel Beer ay lumagok ng 77-66 panalo sa Westports Malaysia Dragons sa 4th ASEAN Basketball League (ABL) kagabi sa Ynares Sports Arena sa Pasig City.
Tumapos si Rogers bitbit ang 21 puntos, 10 rebounds at 3 blocks para ibigay ang hanap na puÂwersa ng Beermen habang si Taulava na nagdiwang ng kanyang ika-40 na ka-arawan, ay nagbigay ng liderato sa koponan sa kanyang 10 rebounds, 7 assists, 6 na puntos at tig-isang steal at block.
May 21 puntos din si Chris Banchero at ang tropa ni coach Leo Austria ay nakaganti sa Dragons at naitala ang kauna-unahang back-to-back wins sa liga tungo sa 5-3 karta.
Sa ikalawang yugto gumana ang laro ng Beermen upang ang 19-20 iskor sa unang yugto ay naging 36-30 sa halftime.
Lalong nanalasa ang home team sa ikatlong period at ang dunk ni Taulava ang naglayo sa koponan sa 57-42.
Nanakot ang tropa ni coach Ariel Vanguardia na nakauna sa head-to-head ng dalawang koponan sa 82-76 sa Malaysia, at isang 7-0 bomba ang nagdikit sa apat, 62-58.
Ngunit gumanti ang Beermen ng 13-2 run sa pamumuno nina Rogers, Taulava at Banchero para ibalik sa 15 ang kalamaÂngan, 75-60, at ipalasap sa Dragons ang ikalimang kabiguan sa 9 na laro.
- Latest
