3 PBA teams moduwa sa Sinulog Cup 2013

CEBU, Philippines -  Agi'g pagpangandam alang sa nagsingabot nga 2013 PBA Commissioner’s Cup, tulo ka  koponan ang

moasdang dinhi sa Sugbu aron mosalmot sa 2013 Cebu City-Sinulog Cup sa Enero 31 ngadto sa Pebrero 2 diha sa Cebu Coliseum

 Ang tulo ka teams nga mopahait pa sa ilang abilidad naglakip sa Petron Blaze Boosters, Alaska Aces ug Barangay Ginebra San Miguel.

 Ila na usab nga sukdon ang kalibre sa  M. Lhuillier Kwarta Padala-Cebu Niños, ang no. 1 commercial team dinhi sa Sugbu.

 Ang upat ka koponan magsangka sa tulo ka adlaw nga torneyo diin ang  team nga nakabaton og  labing nindot

nga rekord maoy ideklarar nga kampiyon.

 Lakip sa mga PBA stars nga atngan mao ang duha ka garbo sa Sugbu nga sila si Dondon Hontiveros sa Alaska

ug 6-foot-9 ug PBA No. 1 pick  Junemar Fajardo sa Petron.

 Gawas nila ni Fajardo ug Hontiveros, mobida usab sa tagsa-tagsa nila ka mga koponan ang nag-unang

kandidato alang sa "Rookie of the Year" nga si  Calvin Abueva, Jay Washington sa Petron ug Mark Caguiao ug LA

Tenorio sa Ginebra.

 Moduwa usab ang mga import sa tulo ka koponan nga sila si kanhi New York Knicks forward Renaldo

Balkman sa Petron, 6-foot-9 Robert Dozier sa Alaska ug Herbert Hill sa Ginebra.

 Ang Cebu Niños ni legendary coach Raul 'Yayoy' Alcoseba mosandig nilang Stephen Padilla, Mark

Magsumbol,  Abby Santos uban nila ni Ian Saladaga, Earn Saguindel ug Hafer Mondragon. Si Benoit Mbala sa  12th

CESAFI champion Southwestern University (SWU) Cobras gikuha isip import.

 Ang mga tiket nagkantidad og P50 sa general admission, P150 sa upper box, P250 sa lower box, P350 sa

reserved seats ug P500 sa ringside. (BANAT NEWS)