RCAF nagsolo sa UBCA

CEBU, Philippines -  Temporaryo karong nagsolo sa liderato ang RCAF ni Romy Faunillan human ilang gilubong ang Mariquit Aqua

Venture, 96-76 sa Upper Bayanihan Catholic Association (UBCA) basketball tournament  niadtong Domingo didto sa

Quiot Sports Complex, ning dakbayan.
 Ang RCAF nagbitbit na karon og 3-0 nga baraha, samtang ang biktima nilang Mariquit Aqua Venture adunay

1-1 win-loss record.
 Gidominar sa RCAF ang kinatibuk-ang duwa ug wala gani nila hatagi’g higayon ang kontra nga makasikit.
 Na-outscore sa RCAF ang ilang karibal sa iskor, 33-20 didto sa fourth period  hinungdan nga mikulit sila’g 20

puntos nga kadaugan.
 Silang Taks Ramirez ug Lennon Rafols maoy  yawi sa kadaugan  nga nagkumboya og 36 puntos.   Si  Danrey

Baclay miamot og 16 puntos alang sa RCAF. 
 Ang pilderong Mariquit Aqua Venture gipangulohan ni Fredan Caballero, kinsa miariya og 23 puntos, gisundan

ni Glen Tuburan sa iyang  15 puntos.
 Sa sayo pa,  ang Quiot midaog  sab  batok sa Ubcamp Magic, 95-79 alang sa una nilang daog sulod sa duha

ka duwa.
  Si Eddie Roma maoy nangu sa Quiot pinaagi sa iyang 21 puntos,  ang kanhi shooting guard sa UC Webmasters

nga si Arnel Abellanosa miamot og 17 puntos.  Sila si  Ramsey Osorno ug Gerry Intud mitampo og 14 puntos matag usa

alang sa Quiot.
 Ang Ubcamp Magic gipangulohan nilang Jessie Rudinas ug Romar Pepito nga nagkumboya og 34 puntos.
 Midaog sab ang ICC Pharmacy ni Erik Piñoza batok sa San Carlos Heights ni Yoly Meso sa iskor nga 111-

85.
 Ang trio nilang Louie Villarin, Danny Dela Peña ug Barak Lasque hagdanan sa ICC Pharmacy pagkulit og daog

nga pulos miiskor og 16 puntos. Samtang si Charlie Sadorra mao usab ang nangu sa San Carlos Heights sa iyang 27

puntos.
 
 

Puntos matag usa

Unang duwa:
 QUIOT (95) - Roma 21, Abellanosa 17, Intud 14, Osorno 14, Llamedo 12, Fabrea 6, Redemio 4, Conde 3,

Murillo 2, Allera 2
 UBCAMP (79) - Rudinas 20, Pepito 14, Pescadero 10, Villaso 9, Cañete 8, Zaballero 7, Naces 5, Bolongon

4, Daclan 2
Ikaduhang duwa:
 RCAF (96) - Ramirez 20, Baclay 16, Rafols 16, Sevelleo 10, Garcia 10, Faunillan 6, Petallar 5, Calvo 4,

Medina 3, Manliguez 2, Villantes 2, Perez 2
 MARIQUIT (76) - Caballero 23, G. Tuburan 15, Buen 9, Borces 7, Sabandeja 5, A. Tuburan 5, Saromines

4, Gabonia 4, Mahipos 2, Pañares 2
Ikatulong duwa:
 ICC (111) - Villarin 16, D. Dela Peña 16, Lasque 16, Padillo 12, Dada 11, L. Dela Peña 10, Panibon 8,

Lawas 6, Palma 6, Saban 4, Lopez 4, Celestial 2
  SCH (85) - Sadorra 27, Ortiz 14, Español 13, Sumargo 12, Ecojedo 11, W. Celestial 4, Dela Cerna 4

(BANAT NEWS)