CEBU, Philippines - Magtakos karong gabii ang Cebu Basketball Mania Association (CEBAMA) batok sa Canillas Customs Brokerage (CCB) AME Transport alang sa finals sa 1st Cebu International Port Users (CIPU) didto sa Benedicto College gym sa dan A.S. Fortuna sa Mandaue City.
Parehong mi-abante sa finals ang CEBAMA ug CCB-AME dihang ilang gipukan ang tagsa-tagsa nila ka kaatbang sa miaging semana.
Unang midaug ang CEBAMA nilang Jury ug Jeff Garcia batok sa Avenido Brokers sa overtime aron ma-angkon ang luna sa finals samtang gilubong sa CCB ang FYA-Martinez Brokers sa semifinals didto sa Cebu Coliseum.
Ang CCB mosandig kang kanhi UC Webmasters skipper Kenneth Kern Sesante ug ingon man kanilang Tony Largosa, Jim Villa ug Ferdie Sigue.
Mag-abot ang FYA batok sa Avenido alang sa ikatulong pwesto.
(GGM)(BANAT NEWS)