Orcollo sinibak ni Sniegocki sa semis

MANILA, Philippines - Tuluyan nang nawala ang tsansa kay Dennis Or­collo na muling makuha ang titulong napanalunan ni­ya noong 2010 matapos mabigo kay Mateusz Sniegocki ng Poland, 8-6, sa semifinal round ng 2012 World Pool Masters sa Ha­la Legionow sa Kielce, Sou­thern Poland.

Si Orcollo, ang 2010 Mas­ters champion, ay su­megunda sa nagharing si German Ralf Souquet no­ong nakaraang taon.

Matapos namang talu­nin si Orcollo sa semis ay yu­mukod si Sniegocki sa ka­babayang si Karol Sko­werski, 6-8, para sa korona at premyong $20,000.

Dahil sa pagiging run­ner-up, tumanggap si Sniegocki ng $10,000.

Unang tinalo ni Sniego­cki si Souquet, 8-6, sa first round bago isinunod si Fil-Canadian Alex Pagulayan, 8-6, sa quarterfinals.

Pinatumba naman ni Sko­werski sina Shane Van Boening ng USA, 8-2, Tony Dra­go ng Malta, 8-3, at si Nick Van Den Berg ng Ne­therlands, 8-6.