10th Gullas Cup gibuksan na
CEBU, Philippines - Gibuksan na kagahapon ang 10th Gullas Cup basketball tournament didto sa Enan Chiong Activity Center sa Naga, Cebu.
Sama sa mga nangaging season, ang mga koponan gikan sa lungsod ug siyudad sa unang distrito sa lalawigan sa Sugbu ang mosalmot ning usa ka bulan nga torneyo.
Pangulohan kini sa perennial title contender Talisay, uban sa Minglanilla, Naga, San Fernando, Carcar ug Sibonga.
Sa wala pa ang tournament proper, usa ka simultaneous caravan sa mga koponan ang gihimo ug didto kini nag-abot sa Naga diin gipahigayon ang hamubong programa.
Ang City of Naga Mayor nga si Val Chiong, mihatag sa iyang welcome address, samtang si Kongresista Eduardo 'Eddiegul' Gullas ang nangu sa induction sa Gullas Cup Board of Directors. Si tournament commissioner Samsam Gullas maoy mideklarar sa opisyal nga pagbukas sa torneyo.
(BANATNEWS)
- Latest
- Trending
