Pre-registration sa Ryan Goodson clinics
CEBU, Philippines - Adunay pagahimoon nga pre-registration alang ngadtong gusto mosayo og pagpalista sa umaabot nga Ryan Goodson basketball clinics dinhi sa Sugbo unya sa Oktubre 16 didto sa Sacred Heart School Gym sa dan Gen. Maxilom ning dakbayan.
Ang magpalista karong buwana mobayad lang og P2,500 imbes P3,500 kung adto na sila magpalista sa Oktubre.
Ang interesadong mosalmot sa usa ka semanang clinic giawhag sa pagpalista didto sa Sacred Heart School gym sa ilang old campus sa Gen. Maxilom avenue sumala pa sa usa sa mga organizers nga si Michael Cenabre.
Ang pre-registration karong Miyerkules pagahimoon sa alas 8 sa buntag ngadto sa alas 12 sa udto.
Ang Sunsports mikumpirmar na sa pag-sponsor sumala pa ni Jojo Romarate.
Gawas kang Cenabre, ang mga contact persons alang sa Ryan Goodson clinics mao silang Vernini Tangarorang sa University of San Carlos ug coach Rommel Rasmo sa Sacred Heart school-Ateneo de Cebu.
Adunay libreng bola og t-shirt alang sa maong clinics ug mohatag sab si Goodson og certificates of participation.
Si Cenabre makontak sa iyang cellphone numbers 0930-466-9330.
- Latest
- Trending
