Justine midaog na sab

CEBU, Philippines - Mikulit na sab og laing daog ang Vanese Justine pinaagi sa paglubong sa Tupas Bicycle Center, 77-62, samtang ang Evoo Resto Bar midaog batok sa Benedict, 74-68 sa F. Llamas Youth Association (FYA) basketball tournament didto sa barangay Tisa open court.

Si Duke Teves miiskor og 21 puntos ug si Chissar Llegunas midugang og 14 puntos alang sa Vanese Justine nga nagbitbit karon og 5-2 nga baraha.  

Ang Tupas Bicycle Parts nga wala pa gihapon makatilaw og daog sa unom ka duwa gipangulohan ni Pangkoy Paracuelles sa iyang 30 puntos.

Sa laing bahin, si Reboy Caballes miburak og 31 puntos aron pangulohan ang Evoo Resto Bar samtang sila si Ariel Mayol ug Burnong Endrina nagkumboya og 31 puntos.

Ang Benedict nga midailos karon ngadto sa 2-4 nga baraha gipangulohan nilang Ryan Dacayana ug Toper Marata nga parehong mihakot og 13 puntos.

Ang liga sa FYA gidumala ni tournament chairman ug Punta Princesa barangay councilor Boy Atillo ug ni barangay Tisa councilor Eddie Cabulao.

PUNTOS MATAG USA

Unang duwa:

Evoo Resto Bar (74) - Caballles 31, Mayol 16, Endrina 15, Ponce 6, Medalle 4, Macachor 3

Benedict (68) - Dacayana 13, T. Marata 13, Patalita 9, Garcia 9, O. Abella 8, T. Abella 6, E. Marata 5, Canete 3, Anasco 2, Malicay 1

Ikaduhang duwa:

Vanese Justine (77) - Teves 21, C. Llegunas 14, J. Llegunas 9, Sydiongco 8, Pacaña 8, Villordon 5, Jakosalem 4, Pasarello 4, Pacubas 4

Tupas Bicycle Center (62) - P. Paracuelles 30, Lanojan 10, T. Paracuelles 6, Haincadto 4, Lim 2, Alguirre 2, Nudalo 2   - BANAT NEWS