CEBU, Philippines - Moabot ngadto sa 119 ka runners ang magtigi sa first leg title sa CUC-Ungo 100-kilometer Trilogy nga himuon ugmang adlawa didto sa Pinamungajan.
Ang aksiyon mosikad sa alas-6 sa gabii ug gilaumang mahuman sa alas-2 sa hapon pagka adlaw'ng Domingo.
Ang top three winners makadawat og tropeyo, gift certificates ug libreng race registration alang sa second leg ning tulo ka leg nga aksiyon.
Giawhag ang mga runners sa pagdala sa ilang kaugalingong hydration bottles, cellphone ug head lamp.
Ang first leg gipaluyohan sa Ayala Center-Cebu, Corominas Bus, Smart, Leona's, Jegan's Bus, Congressman PJ Garcia ug LGUs nga maagian sa lumba. (BANAT SPORTS)