Pinoy Pride XVI mapapanood sa Pay Per View at video streaming

MANILA, Philippines - Magkakaroon ng pagka­kataon ang mga Pinoy na nasa ibang bansa na ma­panood ang Pinoy Pride XVI dahil ipapalabas ito sa video streaming at Pay Per View.

Live na mapapanood ang laban sa Balls HD PPV sa mga The Filipino Channel Territories habang ang video streaming ay sa TFC.

Ang mga mahihilig sa bo­xing sa bansa ay makakapanood naman ng laban sa Channel 2 mula alas-10 ng umaga sa Hunyo 3 at ang replay naman ay ipa­lalabas sa Studio 23.

Handog ng ALA Promotions katuwang ang ABS-CBN Sports, ang bakbakan ay gagawin sa Hunyo 2 sa Resorts World Hotel at tampok na laban ay sa pa­gitan nina Donnie Nietes at Felipe Salguero para sa hawak ng una na WBO light-flyweight title.

Pero masisiyahan ang mga manonood ng live dahil sa mga mauunang fight cards na pawang mapupuno din ng aksyon.

Isa rito ay ang laban sa pagitan ng walang talong si Milan Melindo, hawak ang 26-0, 10KOs, laban kay Je­sus Geles ng Colombia para sa WBO international flyweight title.

Ang 24-anyos na si Ge­les ay may 13-2-1 karta ka­sama ang 5KO at beterano ng world title fight para sa WBO light flyweight title.

Hindi naman natitinag si Milendo na handang ipakita uli ang husay sa ring na kan­yang pambawi sa kakula­ngan ng power sa mga pina­kakawalang suntok.

Ang isa pang papa­no­orin ay ang tagisan sa pa­gitan nina Genesis Serva­nia at Genaro Garcia ng Me­­xico.