Go for Gold Criterium Race Series 2 papadyak bukas

MANILA, Philippines —  Matapos ang matagum­pay na pagdaraos ng Go For Gold Criterium Race Se­ries 1 sa Clark, Pam­pa­n­ga ay  gagawin naman ang Series 2 sa City Di Mare sa Cebu City bukas.

Bukod sa pagtatampok sa mahuhusay na riders sa rehiyon sa men’s at wo­men’s elite at sa under-23 categories, ang closed-cir­cuit 1.1-kilometer route ang posibleng maging instrumento para sa pagdiskubre ng mga bagong talento.

“With Cebu being a hot­bed of cycling and cycling talent, we expect na ma­­raming manonood at pu­­punta sa event natin,’’ sa­bi ni Go For Gold founder Jeremy Go.

Tinukoy ng Go For Gold Cycling Team ang 17-an­yos na si Marvin Mandac mula sa Batangas sa Go For Gold Criterium Race Series 1 sa Clark matapos pagharian ang juniors ca­tegory.

Umagaw din ng atensyon si Marco Lumanog ng Pangasinan na bumida sa men’s elite class.

“Not all cyclists will be gi­ven the opportunity, but this is one way to discover those talents. The best way to find them is to set up top-quality races where cyclists from far-flung areas can access and show off their skills,’’ wika naman ni Go For Gold project director Ednalyn Hualda.

Sa inaasahang pag­pad­­yak ng higit sa 500 cy­­clists mula sa 10 categories, ang second phase ng three-leg race series na su­­portado ng Go For Gold, Scratchit, BOOSTER C, MA­GENE, SPN Cycle, IPI, City Di Mare, CCN, Hy­tera, Gatorade, NeoZigma, CCLEX, Nickel Asia Corporation, Cebu City Go­­vernment at PhilCycling ang lalo pang magbabalik ng sigla sa cycling.

“We’re trying to grow the sport of cycling and also trying to professionalize it. That’s why we always work hand in hand with Phil­Cycling,’’ dagdag pa ni Go, ang cycling godfather na sumusuporta sa higit 200 riders, kasama ang 26-man Go For Gold Cycling Team.