SMBeer kumpiyansa sa Saigon

MANILA, Philippines - Wakasan ang triple round elimination tangan ang pitong sunod na panalo ang balak ngayon ng San Miguel Beermen sa pagbi sita sa Tan Binh Stadium para sukatin uli ang Saigon Heat sa 3rd AirAsia ASEAN Basketball League (ABL) ngayon gabi.

Ganap na alas-7 ng gabi itinakda ang bakbakan at ka hit selyado na ng Beermen ang number one see ding sa kasalukuyang 16-4 baraha ay tiyak na pupukpok pa rin para magkaroon ng magandang momentum papasok sa Playoffs.

Ang winning streak ay nagsimula matapos ipalasap ng Heat ang 63-66 pag katalo noong Marso 24 sa Ynares Sports Arena at ang pagbaon sa pangit na alaala na iyon ang nais ding ibaon kung mananalo ang Beermen sa gabing ito.

Sina Nick Fazekas at Duke Crews ang babandera uli sa larong ito upang mapanatili ang di paglasap ng kabiguan ng koponan sapul nang kinuha sila ng management ng Beermen.

Pero hindi malayong umatake rin sina Leo Avenido at Chris Banchero na siya nilang ginagawa sa mga huling laro kaya’t hirap bantayan ng kalaban ang nasabing koponan.

May  7-12 karta ang Heat at ang huling laro ay gagawin sa Cobras sa Bangkok sa Mayo 13.