MANILA, Philippines - Dalawang bagay lamang ang alam ni Timothy Bradley, Jr. kung bakit biglang iniwanan ni strength and conditioning coach Alex Ariza si Manny Pacquiao sa Baguio City noong nakaraang Sabado.
Maaaring ito, ayon kay Bradley, ay dahilan sa pera o natatakot si Ariza na masisi sakaling matalo si Pacquiao.
“I don’t believe everything I read or whatever, but I guess Chavez Jr. offered him more money to leave,” wika ni Bradley. “But you’re leaving Manny Pacquiao bro. I think it’s something a lot deeper than that.”
Matapos ipagdiwang ang kanyang pang 36 kaarawan noong nakaraang Biyernes ng gabi, kinaumagahan ay bumiyahe si Ariza patungong Los Angeles, California para umano ihanda si world middleweight champion Julio Cesar Chavez, Jr. sa title defense nito sa susunod na buwan.
Hindi minasama ng Sarangani Congressman ang ginawa ni Ariza, habang ikinagalit naman ito nina trainer Freddie Roach at Bob Arum ng Top Rank Promotions.
Kung matatalo naman si Pacquiao sa kanilang laban ni Bradley ay maaaring si Ariza ang masisisi nina Roach at Arum.
“Ariza knows what Pacquiao is up against,” ani Bradley. “He got a chance to see me at the press conference. He got a chance to see my father, he got a chance to see how hungry I am and how in shape I am and how strong I am.”