NLEX diretso sa semis
MANILA, Philippines - Sa kabila ng hindi paglalaro nina power forward Calvin Abueva at center Ian Sanggalang sa ikalawang sunod na pagkakataon, nagawa pa din ng Road Warriors na sungkitin ang isang semifinals ticket.
Kumonekta si Cliff Hodge ng isang krusyal na 3-point shot sa natitirang 38 segundo sa fourth quarter para tulungan ang nagdedepensang NLEX sa 85-76 panalo laban sa Erase Plantcenta sa PBA D-League Foundation Cup kahapon sa Ynares Sports Arena sa Pasig City.
Nakabawi ang Erasers mula sa isang 24-point deficit para makalapit sa 74-76 agwat mula sa isang lay-up ni Macky Acosta sa huling 2:07 ng laro.
Tumapos si Hodge na may 18 points, habang may tig-15 markers sina Kirk Long at Ford Arao para sa pang anim na sunod na pananagasa ng NLEX.
Sina Abueva at Sanggalang ay kasama ng San Sebastian Stags sa pagsasanay sa United States bilang paghahanda sa darating na NCAA season.
Sa unang laro, muntik namang masayang ang isang 11-point lead ng Rnw Pacific Pipes sa third quarter para igupo ang Cagayan Rising Suns, 90-87.
Nagposte si Raymond Ilagan ng 10 rebounds at 10 points, kasama dito ang dalawang freethrows sa huling 3.8 segundo para sa pang apat na dikit na pananalasa ng Steel Masters.
Nagtabla para sa ikalawang puwesto ang RnW Pacific Pipes, Big Chill, Cebuana Lhuillier at Blackwater Sports mula sa kanilang 4-2 baraha.
RnW Pacific Pipes 90 – Acidre 21, Rogado 12, Gonzales 10, Ilagan 10, Teng 8, Buensuceso 8, Aguilar 5, Colina 5, Mariano 5, Antonio 4, Sanvictores 2, Bustos 0.
Cagayan Rising Suns 87--Arce 27, Dela Cruz 14, Agas 14, Custodio 13, Lapuz 9, Macuha 4, Calabang 4, Chiu 1, Malig-on 1, Lascano 0, Castro 0, Aggarao 0.
Quarterscores: 19-25; 44-41; 68-59; 90-87.
NLEX 85 – Hodge 18, Long 15, Arao 15, lanete 10, Monfort 9, Marcelo 7, Co 7, Hermida 3, Pascual 1, Ellis 0.
Erase Plantcenta 76 – Mangahas 19, Acosta 13, Dizon 13, Stevens 11, Ferreria 5, Vidal 5, Torres 2, Vijante 0.
Quarters: 26-17, 47-33; 70-53; 85-76.
- Latest
- Trending
