All-Filipina team nagreyna sa 2nd Asian Cheerleading Open

MANILA, Philippines - Muling ipinakita ng mga Pi­nay ang talento sa in­ter­national cheerleading com­petition matapos kunin ang korona sa 2nd Southeast Asian Cheerleading Open sa Singapore noong Sa­bado.

Matagumpay na naidepensa ng Team Pilipinas All-Girls Elite ang kanilang ti­tulong napanalunan noong na­karaang taon sa likod ng kanilang magandang rou­tine.

Ang mga miyembro ng Team Pilipinas All-Girls Elite ay hi­nugot mula sa iba’t ibang high school teams at si­nanay ng mga coaches bu­hat sa ilang eskuwelahan.

Tinalo ng Team Pilipinas All-Girls Elite ang dalawang Ma­­laysian squads.

Nabigo namang ma­ka­sali ang isang koponan ng ban­­sa sa adult co-ed division matapos hindi makasa­kay sa kanilang flight patu­ngong Singapore.