Mawin's ug sg boys daog sa debut

CEBU, Philippines - Midaug sa ilang debut ang Mawin's Kitchen ni team owners Sherwin Lequit ug Maia Adriatico dihang ilang gipukan ang Albertos- Hodenz sa iskor, 93-85 samtang gimakmak sa SG Boys ang Coca-Cola, 79-65 atol sa pagbukas sa Mawin's Kitchen Basketball Cup-2012, First Conference basketball tournament nga gipaluyohan sa Punta Princesa barangay council nga gipahigayon didto sa Vicente Sotto Memorial gym, ning dakbayan.

Ang 10 ka teams nga misalmot sa maong torneyo mao ang Mawin's Kitchen, JDS/Coca-Cola, Radisson Blu Hotel, Albertos, Dewfoam, Metro Bank, Jardulls, SG Boys, Gym Boys/AMBL ug Port Waterfront.

Init kaayong gisugdan sa Mawin's Kitchen ang ilang duwa dihang mi-iskor sila'g 33-18 sa opening period pinaagi sa init nga tandem nilang Lequit ug Mat Vallejo kinsa maoy mitimon sa opensa.

Mibawos ang Albertos didto sa second period diin mipakatap sila'g 24-15 run aron mosikit ngadto sa 42-48 tally luyo sa impresibong duwa sa father and son tandem nilang ex-PBA standout Danny Aying ug Scot Aying kinsa player sa Don Bosco.

Gipawong ra sab dayon sa Mawin's ang maong rally pinaagi sa pagpabuhagay og 28-18 rally aron moposte'g 16 puntos nga abante, 76-60 pagsugod sa fourth period.

Mihulga sa kataposang higayon ang Albertos apan bisan pa sa ilang paningkamot, nakabsan lang gihapon sila'g oras sa paghingpit sa ilang rally.  

Silang Rex Millan ug Oliver Sanoy parehong miposa og 12 puntos matag usa aron pangulohan ang Mawin's Kitchen samtang sila si Lequit ug Vallejo nagkumboya og 21 puntos alang sa ilang kadaugan.

Miburak ug 25 puntos si Aying alang sa Albertos ug si Rambo Labay midugang og 15 puntos. Ang anak ni Aying nga si Scott mitikdol og 12 puntos.

 Puntos matag usa:

First Game:

SG BOYS (79)- Alberca 17, Sulgas 14, Avaño 14, Avquirola 9, Bacatan 7, Fabian 7, Choy 4, Yu 4, Tabug 3.

COCA-COLA (65)- Dinote 17, Sinampong 12, Villagonzalo 11, Budiongan 6, Paspie 4, Mancao 4, Singutan 3, Quijano 2, Rojas 2, Mabitad 2, Lawa-an 2.

Second Game:

MAWIN'S (93)- Sanoy 12, Millan 12, Sh. Lequit 11, Vallejo 10, Tulda 9, Taborada 8, Paghasi-an 8, St. Lequit 6, Dico 5, Paguntalan 4, Abellana 4, Adriatico 2, Sepulveda 2.

ALBERTOS (85)- D. Aying 25, Labay 15, S. Aying 12, Loon 10, Chua 10, Capistrano 5, Appari 3, Boniao 2, Ho 2, G-Boy 1, Ompoc 1. - BANAT NEWS