Football suportado na ng PAGCOR

MANILA, Philippines - Pinatatag ang prog­rama sa grassroots ng Phi­lippine Football Fede­ration (PFF) sa pagpasok ng Philippine Amusement and Gaming Corporation (PAGCOR) bilang isa sa ka­nilang sponsor.

Halagang P20 milyon ang pakakawalang pera ng PAGCOR para itulong sa programang ito ng PFF na isasakop sa pagbabalik ng Kasibulan program na ilulunsad ngayon sa Ca­lamba, Laguna.

Kagabi sa New World Hotel sa Makati City ay pi­nagtibay ang pagtutulu­ngan ng dalawa sa paglagda sa isang Memorandum of Agreement sa pagitan ng PAGCOR na kinatawan ni chairman Cristino Naguiat, Jr. at PFF president Mariano Araneta.

“Pinasasalamatan na­min ang PAGCOR sa ka­ni­lang pagtulong sa aming grassroots program at ang ka­nilang ibinigay ay ma­la­ki ang maitutulong sa pag­tuklas ng mga batang ma­hihilig sa sport na ito,” wi­ka ni Araneta.

Ito ang unang tambalan ng magkabilang panig sa proyekto ng PFF pero no­ong nakaraang taon nag­simula ang magandang pagtitinginan dahil nag­bigay ang PAGCOR ng P2 milyon para itulong sa paghahanda ng Philippine Azkals.