Dul-an 100 nagpalista sa Trail Run

CEBU, Philippines - Dul-an na sa usa ka gatos ang nagparehistro alang sa ikalimang edisyon sa Columbia Eco Trail Run nga gikatakda sa Pebrero 5 didto sa Mulao, Liloan.

Niadtong wala pa makapalista, mahimo pang magparehistro hangtod sa Pebrero 4 didto sa Columbia sa SM City-Cebu, Recreational Outdoor eXchange (ROX) sa Ayala Center-Cebu ug sa Liloan Municipal hall.

Sa registration nga P400, ang partisipante makadawat og libreng jersey ug P300 niadtong dili buot makabaton og jersey.

Sa dili pa ang lumba, ang mga entrante moapil og free clinic kabahin sa Trail Running aron kapangandaman ang mahinamon ug delikado nga rota sa Columbia Eco Trail Run karong Enero 27.

Human sa clinic mao ang race briefing diha sa ROX sa Active Zone sa Ayala Center-Cebu.  - BANAT NEWS